قالوا بغينا حضرموت

صلو. على النبي الدنيا عوافي مالكم خليتوها محلقة.

خرجو حضارم ماقالوا انهم كل حضرموت. ولا قالوا انهم الممثل الوحيد لحضرموت

خرجو حضارم ولكن صوت كبير ويمثل شريحه كبيره من الحضارم . وقالو للحضارم هذا مشروعنا لمستقبل حضرموت ،اقليم في نظام فيدرالي. نحن يهمنا حضرموت هذا مشروعنا لها . موضوع الحل النهائي لليمن لابيدنا نفتي فيه ولابانكذب اننا بانفرض نوع هذا الحل.

طرحوا مشروعهم ومن يشاركهم هذه الرؤية قالو بانقول له يامرحبا ومن له راي اخر ماقالو انه خصم

المشروع حضرمي ويخص حضرموت ماقدموا مشروع يخص ناس خارج حضرموت..ولا استعدوا حد.

قالوا بغينا حضرموت اقليم مستقل وانتو سدوا على شكل الدولة في الحل النهائي

جنوب.شمال. دوله اتحاديه للشمال والجنوب . ومشروعنا لما طرحناه عملنا حسابنا انه مايصطدم مع الحل النهائي كيف ماكان

ولانحن مناصرين مشروع اي طرف من الاطراف ضد مشروع طرف اخر. ماسديتو عليه في النهاية نحن جيز البقيه

بالله عليك قل لي يا مختلف معهم مختلف معهم على ايه.؟

هات لي كلام قالوه يستلزم ان تختلف معهم فيه

بالنسبة لاخواننا في الانتقالي. مشروع الحضارم ماشوف فيه اي حاجه تثير حنقكم..بالعكس هو خطوة على طريق تنفيذ رؤية المجلس الانتقالي لمشروع الدولة الجنوبية

. انتو قلتوا مشروعكم جنوب فيدرالي . وان تكون كل محافظة اقليم. ذلحين الحضارم ساعدوكم واتحملو انجاز مشروع اقليم حضرموت.مفروض تفرحو ان يتم انجاز اول خطوة في مشروع الانتقالي .وكمان تشجعو باقي المحافظات تنجز اقليمها. وانتو تتفرغوا لاعداد

مشروع ادارة الاتحاد الفيدرالي

ع شان ماعد يجي موعد الحل النهائي الا وقد الجنوب الفيدرالي جاهز.. ماعد الا تك وان قده جنوب فيدرالي.

واذا فرضنا انكم رافضين هذا التجمع ومشروعه. برضه مافيش مشكله. معكم انتقالي في حضرموت . خلوا فرعكم ينافس بمشروعكم . مشروع لقاء الهضبة

وتنافس سياسي والراي في الاخير لابناء حضرموت ماراوه افضل لهم من المشروعين يختاروه. مع انكم كان مفروض انكم كأنتقالي بعد ما اصبحتو شريك في السلطة ان جهودكم تنصب في

منح المحافظات الجنوبية الاستقلالية في الاستفاده من مواردها.. وتشجعو حق كل محافظة في ان تدار اداره كامله من قبل ابناءها.. لكن. هذا ماحصل بل ظهرتو في نظر ابناء حضرموت انكم تكرسو مركزية صنعاء وتشرعنوها..بعد ما اصبحتو شركاء معها..

وما اثار سخط المحافظات الجنوبية ومنها حضرموت تحديدا. ان المجلس الانتقالي عندما قام بتوزيع الحقائب الوزاريه وباقي الوظائف همشت حضرموت ولم تحصل حتى على نصف ماكانت تستحقه

حصل الانتقالي على خمس حقائب وزاريه كانت حصة حضرموت حقيبه واحده فقط

وقيس عليها باقي الوظائف.

وهذا دفعهم للبحث عن مكون يمثلهم .يقود مشروع اقليمهم ويمثلهم في المركز لانتزاع حصصهم من المركز التي يستحقوها مادام لم تأتمنو في توزيع الحصص..

---------------------------------------------------------------------

ذلحين مازلنا دولة مركزية.

وقيادة الدولة المركزية هذه، اذا مثلا قيادة محافظة معها مشكلة تشتي قيادة الدولة المركزية تحلها لها. قيادة المحافظة تشتي لها سنه ع شان تحصل قيادة الدولة المركزيه وتسافر لاعندها الى خارج البلاد وعادها بعد كل هذا التعب بعد سنه مكالحة لقيادة الدولة وسفر بالطيران للخارج ماتحل لها المشكله

هيا بالله عليك ايش اللي بايخلي المحافظات تبقى متمسكة. بهذه المركزية

عاد الناس للان محترمين والا حرام انه مفروض ان كل محافظه قد سرحت لها

اعضاء مجلس قياده يتقاسمو الوظايف فيما بينهم لاصحابهم وجماعاتهم ويتقاسمو الامتيازات في الفنادق

من معه مشروع، يقوم عليه ويكون موجود بين الناس وحاضر معهم على السراء والضراء.. مايغيبشي من سنه ولاحد داري بأي بلاد. ولايصل عليه الا عيال عمه وعيال خالته.

وبعدين اذا الناس ذهبت تبحث لها عن حلول لمواجهة مشاكلها قلتوا هذا مع اليمننه

مع ..... احسن .

من صفحة الكاتب على موقع فيس بوك